SAATLI PAMBIQÇILARI ÜÇÜNCÜ KOMPLEKS BECƏRMƏNİ BAŞA ÇATDIRMIŞLAR
Saatlı rayonunun torpaq mülkiyyətçiləri bu mövsümdə 11 min 100 hektar sahədə pambıq yetişdirirlər. Onlar plantasiyalarda üçüncü becərməni aqrotexniki müddətdə və keyfiyyətlə başa çatdırmışlar. 70-dən artıq traktorla cərgə araları dördüncü dəfə yumşaldılmış, alaq otları zərərsizləşdirilmiş, 6 min hektar sahəyə yemləmə gübrələri verilmiş, birinci suvarma qurtarmışdır.
Rayon icra hakimiyyətindən AZƏRTAC-a bildirmişlər ki, Simadakənd, Mircəlalkənd, Qaracalar və Əlisultanlı kəndlərində pambıq əkinlərinin sahəsi bir il əvvəlkinə nisbətən təxminən iki dəfə çoxdur .
Ümumiyyətlə, Saatlıda keçən ilkinə nisbətən 2 min 500 hektar çox pambıq əkilmişdir. Rayonda bu il 17 min ton pambıq istehsal ediləcəyi proqnozlaşdırılıb.
Bölmənin digər xəbərləri
