Sabirabadda 596 tondan çox yun istehsal olunub
Sabirabad, 16 iyul, Mahir Babayev, AZƏRTAC
Sabirabadın qoyunçuluq təsərüfatlarında yaz yun qırxımı yekunlaşır.
Rayon statistika idarəsindən AZƏRTAC-ın bölgə müxbirinə bildirilib ki, hazırda rayonun qoyunçuluq təsərrüfatlarında 230 min 595 baş qoyun-quzu bəslənilir, bu da ötən ilin eyni dövründəkindən 7,9 baş çoxdur.
Artıq rayonun qoyunçuluq təsərüfatlarında yaz yun qırxımı başa çatıb. Fermerlər bəslədikləri qoyundan ümumilikdə 596,8 ton yun götürüblər. Hər qoyundan orta hesabla 2,5 kiloqram yun qırxılır. Ötən il isə bu rəqəm 2,3 kiloqram olub.
Rayonda fəaliyyət göstərən “Halal” kəndli fermer təsərrüfatında nəticə daha yüksək olub. Təsərrüfatda çalışan qoyunçular bəslədikləri 4325 baş qoyunun hər birindən 2,6 kiloqram yun qırxmaqla 11 ton 250 kiloqram yun tədarük ediblər.
Bölmənin digər xəbərləri
