REGİONLAR
SAHİBKARLAR TƏZƏ TEXNİKA ALMIŞLAR
Rayon icra hakimiyyətindən bildirmişlər ki, Şirvanlı kəndinin sahibkarları 5 ədəd taxılbiçən kombayn, 3 ədəd traktor və başqa kənd təsərrüfatı maşınları almışlar. Yeni texnikanın alınması kənd təsərrüfatı işlərini sürətlə və keyfiyyətlə aparmağa şərait yaratmışdır. Kəndin fermerləri bu il 1400 hektar sahədə taxıl, 400 hektarda pambıq, bostan-tərəvəz və yem bitkiləri əkib becərmişlər. Hazırda kənddə taxıl biçininin qızğın vaxtıdır. Şirvanlılar bu il daha çox məhsul əldə edəcəklər.