Sahibkarlığa Kömək Milli Fondunun ötən il üzrə maliyyə hesabatlarının auditi keçirilib
Bakı, 17 aprel, AZƏRTAC
"Nexia EA" beynəlxalq audit şirkəti tərəfindən Beynəlxalq Audit Standartları əsasında İqtisadiyyat Nazirliyinin Sahibkarlığa Kömək Milli Fondunun 2017-ci il üzrə maliyyə hesabatlarının auditi keçirilib.
İqtisadiyyat Nazirliyinin mətbuat xidmətindən AZƏRTAC-a bildiriblər ki, "Nexia EA" beynəlxalq audit şirkəti tərəfindən verilmiş rəyə əsasən, Sahibkarlığa Kömək Milli Fondunun 2017-ci il üzrə maliyyə fəaliyyəti müsbət qiymətləndirilib, maliyyə hesabatlarının Beynəlxalq Maliyyə Hesabatı Standartlarına uyğun aparıldığı müəyyənləşdirilib.
Qeyd edək ki, artıq 10 ildir beynəlxalq audit şirkətləri tərəfindən İqtisadiyyat Nazirliyinin Sahibkarlığa Kömək Milli Fondunun maliyyə hesabatlarının auditi aparılır.
Bölmənin digər xəbərləri
