Sai Sharan Panda: Rəqəmsal texnologiyalar enerji zəncirində emissiyaların azaldılmasına kömək edir
Bakı, 8 sentyabr, AZƏRTAC
Rəqəmsal texnologiyalar enerji dəyər zəncirinin hansı hissəsində daha çox emissiyanın yarandığını müəyyən etməyə və diqqəti ilk növbədə həmin sahələrə yönəltməyə imkan verir.
AZƏRTAC xəbər verir ki, bunu “Baker Hughes” şirkətinin direktoru Sai Sharan Panda Bakı İqlim Fəaliyyəti Həftəsi çərçivəsində keçirilən tədbirdə deyib.
Sai Sharan Panda bildirib ki, rəqəmsal həllərin əsas üstünlüklərindən biri proseslər üzrə toplanan məlumatların təhlil edilərək daha düzgün və çevik qərarların qəbulunda istifadə olunmasıdır.
“Rəqəmsal texnologiyalar bizə baş verənləri anlamaqdan növbəti mərhələyə - gələcəkdə nələrin baş verə biləcəyini müəyyənləşdirməyə və prosesləri yaxşılaşdırmaq üçün düzgün dəyişikliklər etməyə keçməyə kömək edir”, - deyə S.Panda vurğulayıb.
Onun sözlərinə görə, rəqəmsal texnologiyaların digər mühüm imkanlarından biri uğurlu rəqəmsal həllərin geniş miqyasda tətbiqini və onların daha geniş şəkildə mənimsənilməsini təmin etməkdir. Bu isə rəqəmsal həllərdən əldə olunan nəticələrin maksimum səviyyəyə çatdırılmasına imkan yaradır.
Bölmənin digər xəbərləri
