ŞAİR MANSUR VƏKİLOVUN 65 YAŞI TAMAM OLDU
Tədbiri açan aktyor İosif Tkaç şairin doğma diyarı Azərbaycana həsr olunmuş məşhur şerlərindən parçalar oxumuşdu.
Sonra M.Vəkilovun qələm dostları - şairlər və yazıçılar, görkəmli opera müğənnisi Fatma Muxtarovanın nəvəsi Svetlana Kuroçkina, bardlar Sergey Aranoviç və İbrahim İmaməliyev, jurnalistlər çıxış etmişlər. Bakılı bardların ifasında yubilyarın sözlərinə yazılmış romanslar ilk dəfə səslənmişdir.
Çıxış edənlər Mansur Vəkilovun poeziyasının həmişə öz səmimiliyi, həssaslığı, vicdanlılığı və saflığı ilə seçildiyini vurğulamışlar.
Tədbirdə Rusiyanın Azərbaycandakı səfirliyinin nümayəndələri, “Sodrujestvo” Rusiya–Azərbaycan dostluq və həmrəylik cəmiyyətinin sədri Mixail Bolotnikov və başqaları iştirak etmişlər.
