ŞƏHİDLƏRİN XATİRƏSİ HEÇ VAXT UNUDULMAYACAQDIR
Bakı, 19 yanvar (AZƏRTAC). Yanvarın 19-da Bakıdakı Tahir Hacıyev adına 252 nömrəli orta məktəbdə 20 Yanvar faciəsinin ildönümü ilə bağlı anma mərasimi keçirilmişdir.
Məktəbin kollektivinin və şəhid valideynlərinin iştirak etdikləri tədbirdə 1990-cı il yanvarın 19-dan 20-nə keçən gecə baş vermiş faciəni əks etdirən videogörüntü nümayiş etdirilmişdir.
Mərasimdə məktəbin direktoru Abbasqulu Quliyev çıxış edərək, şagirdlərə faciənin mahiyyəti barədə məlumat vermişdir. Bildirmişdir ki, həmin gün xalqımıza qarşı dəhşətli cinayət törədilmişdir. Lakin düşmənin qarşısına əliyalın çıxan Vətən övladları azadlıq uğrunda canlarını qurban vermiş, şəhidlik zirvəsinə ucalmışlar. Onların xatirəsi xalqımızın yaddaşından heç vaxt silinməyəcəkdir.
Şəhid valideynləri övladlarının qəhrəmanlığından söhbət açmış, şagirdlər isə faciə qurbanlarına həsr olunmuş ədəbi-bədii kompozisiya təqdim etmişlər.
Məktəbdə 20 Yanvara həsr edilmiş guşə də yaradılmışdır.
Bölmənin digər xəbərləri
