ŞƏHRİYAR MƏMMƏDYAROVUN “ALKALOİD” KLUBU 4-CÜ YERƏ YÜKSƏLMİŞDİR
Bakı, 7 oktyabr (AZƏRTAC). Makedoniyanın Oxrid şəhərində keçirilən şahmat üzrə 25-ci klublararası Avropa kuboku yarışlarında 3-cü turun oyunları olmuşdur.
Bu tur çərçivəsində Vüqar Həşimovun ikinci taxtada oynadığı İsrailin “Aşdod İllit ” komandası Rusiyanın “SpbÇHFed” klubuna 2,5:3,5 hesabı ilə uduzmuşdur. Şəhriyar Məmmədyarovun başçılıq etdiyi “Alkaloid” isə “Tomsk-400” (Rusiya) komandasına 3,5:2,5 hesabı ilə qalib gəlmişdir.
Üç turun yekununa görə, “Alkaloid” 13,5 xalla 4-cü, “Aşdod İllit” isə 11,5 xalla 15-ci yeri tutur.
Turnir cədvəlinə Almaniyanın “Baden-Baden” klubunun şahmatçıları (11,5 xal) başçılıq edirlər.
Əlli dörd şahmat klubunun iştirak etdiyi turnirə oktyabrın 10-da yekun vurulacaqdır.
Bölmənin digər xəbərləri
