SƏMƏD VURĞUNUN EV MUZEYİNİN YARADILMASININ 30 İLLİYİ QEYD OLUNMUŞDUR
Elmlər Akademiyasında xalq şairi Səməd Vurğunun ev
muzeyinin yaradılmasının 30 illiyi qeyd edilmişdir.
Tədbir iştirakçıları, əvvəlcə, akademiyanın foyesində
Muzeyin 30 illik fəaliyyətinə həsr edilmiş fotostendlə tanış
olmuşlar.
Muzeyin baş mühafizi Aybəniz Vəkilova onun
yaradılmasından keçən müddət ərzində burada görülən işlər,
eksponatların zənginləşdirilməsi ilə bağlı həyata keçirilən
tədbirlər barədə məlumat vermişdir. Muzeydəki iş şəraiti,
şöbələrin fəaliyyəti ilə əlaqədar çəkilmiş sənədli film nümayiş
etdirilmişdir.
Görkəmli İraq-türkmən şairi və tədqiqatçısı Əbdüllətif
Bəndəroğlu, akademik Bəkir Nəbiyev, “Ədəbiyyat qəzeti”nin baş
redaktoru Ayaz Vəfalı və başqaları tədbirdə çıxış edərək
bildirmişlər ki, S.Vurğun ölkəmizin sərhədlərindən çox-çox
uzaqlarda da tanınır və qiymətləndirilir. Böyük sənətkarın
müasiri olmuş görkəmli rus şairləri onun yaradıcılığını yüksək
dəyərləndirmiş, haqqında məqalələr, xatirələr yazmışlar. Moldav
şairi Y.Bukov “Səməd” poemasında onun parlaq obrazını
yaratmışdır.
Diqqətə çatdırılmışdır ki, S.Vurğun “Vaqif” pyesi və başqa
əsərləri ilə Azərbaycan ədəbi-bədii dilinin inkişaf etdirilməsində
xüsusi xidmətlər göstərmişdir.
Şairin nəvəsi Vurğun babasının qızı Aibənizə yazdığı şeiri
oxumuşdur.
Bölmənin digər xəbərləri
