SENTYABRDA HORADİZ ŞƏHƏRİNƏ TƏBİİ QAZ VERİLƏCƏKDİR
AZƏRTAC xəbər verir ki, sentyabr ayından Horadiz şəhərinə təbii qaz veriləcəkdir.
“Azəriqaz” QSC-dən bildirmişlər ki, Prezident İlham Əliyevin göstərişinə əsasən, bu şəhərin təbii qazla təmin olunması qısa müddətdə reallaşacaqdır. Artıq Beyləqan-Füzuli qaz kəmərinin tikintisi başa çatmaqdadır. Eyni zamanda, şəhərdə binaların və şəxsi evlərin qazlaşdırılması üçün məhəllədaxili xətlər də çəkilir.
Layihə regionların sosial-iqtisadi inkişafı Dövlət Proqramı çərçivəsində həyata keçirilir. Yeni qaz kəməri Horadiz şəhəri ilə yanaşı, rayonun Əhmədbəyli kəndinin də ilk dəfə mavi yanacaqla təchiz olunmasına imkan verəcəkdir. Kəmərin vaxtında istifadəyə verilməsi üçün burada 150 nəfərdən çox işçi çalışır.
Bölmənin digər xəbərləri
