Sergey Melniçuk: Azərbaycanın uğurlu inkişaf yolunun əsasında Heydər Əliyevin uzaqgörən siyasəti durur
Kiyev, 2 may, AZƏRTAC
Azərbaycanın uğurlu inkişaf yolunun əsasında Heydər Əliyevin uzaqgörən siyasəti durur.
Bu fikri AZƏRTAC-a açıqlamasında Ukrayna Ali Radasının deputatı Sergey Melniçuk deyib.
Deputat bildirib ki, Azərbaycan xalqının ümummilli lideri Heydər Əliyevin böyük təcrübəsi və siyasi iradəsi nəticəsində bu gün güclü, müstəqil Azərbaycan dövləti var. O, həmçinin vurğulayıb ki, Azərbaycan və Ukrayna arasındakı dostluğun mövcudluğunun bazasında Heydər Əliyevin vaxtilə gördüyü işlər durur. “Təsadüfi deyil ki, Ukraynanın bir çox ictimai, siyasi xadimləri Heydər Əliyevi Azərbaycan-Ukrayna dostluğunun memarı və qurucusu kimi qiymətləndirirlər. Vaxtilə Heydər Əliyev Azərbaycan ilə Ukrayna arasında iqtisadi, ticarət, mədəniyyət, elm, təhsil və humanitar sahələrdə normativ hüquqi bazanın yaradılmasını və əlaqələrin tənzimlənməsini möhkəm əsaslar üzərində qurub”, - deyə Sergey Melniçuk əlavə edib.
Emil Hüseynli
AZƏRTAC-ın xüsusi müxbiri
Kiyev
Bölmənin digər xəbərləri
