“SƏRHƏDSİZ HƏKİMLƏR” TƏŞKİLATI İLƏ ƏLAQƏLƏRİ GENİŞLƏNDİRMƏK MƏSƏLƏLƏRİ MÜZAKİRƏ EDİLMİŞDİR
Görüşdə A.Veizis azərbaycanlı qadın və məcburi köçkünlərin yaşadığı ərazilərdə müvafiq proqramların, o cümlədən insanın immun çatışmazlığı -QİÇS-lə bağlı layihənin həyata keçirilməsinin nəzərdə tutulduğunu, bu məqsədlə Füzuli və Ağdam rayonlarının işğaldan azad edilmiş kəndlərinə səfər edəcəyini bildirmişdir.
E.Süleymanova QİÇS-ə yoluxmuş xəstələrin hüquqlarının qorunmasının və bu istiqamətdə geniş maarifləndirmə işi aparılmasının, həmin xəstəliyin aşkar olunması üsullarının tədqiqinin, əhali arasında sorğuların keçirilməsinin zəruriliyini vurğulamışdır. O, respublikamızda bu istiqamətdə bir sıra işlərin görüldüyünü, müvafiq qanunun, normativ sənədlərin qəbul edildiyini, zobun qarşısının alınmasına yönəldilmiş layihələrin, cəzaçəkmə müəssisələrində vərəm xəstəliyinə tutulmuş məhkumların müalicəsi məqsədi ilə proqramların, habelə psixi xəstəliklərdən əziyyət çəkənlərə kömək üçün xüsusi xidmət sahələrinin yaradıldığını qonağın diqqətinə çatdırmışdır.
Bölmənin digər xəbərləri
