Serxio Ramosun etirafı başına bəla olub
Bakı, 27 fevral, AZƏRTAC
İspaniyanın “Real Madrid” futbol klubunun müdafiəçisi Serxio Ramosun etirafı başına bəla olub.
AZƏRTAC xarici KİV-lərə istinadla xəbər verir ki, 32 yaşlı ispaniyalı müdafiəçi UEFA Çempionlar Liqasının səkkizdəbir final mərhələsinin Hollandiyanın “Ayaks” komandası ilə ilk oyununda qəsdən sarı vərəqə alması UEFA-nın diqqətindən yayınmayıb. Bu məsələnin araşdırılmasını UEFA diqqət mərkəzində saxlayıb. İntizam Komitəsi fevralın 27-də Ramosla bağlı qərar verəcək.
Qeyd edək ki, Madriddə keçirilən ilk oyun meydan sahiblərinin 2:1 hesablı qələbəsi ilə başa çatıb. Görüşün 89-cu dəqiqəsində qaydanı pozan müdafiəçi sarı vərəqə alıb. Ramos oyundan sonra bunu qəsdən etdiyini etiraf edib. Bu səbəbdən müdafiəçi cavab oyununda heyətdə yer almayacaq.
Bölmənin digər xəbərləri
