Səudiyyə Ərəbistanı Qran-Prisinin trası təqdim edilib
Bakı, 18 mart, AZƏRTAC
Bu il Formula 1-də debüt edəcək Səudiyyə Ərəbistanı Qran-Prisinin trasının martın 18-də təqdimatı olub.
AZƏRTAC xəbər verir ki, bu barədə Formula 1-in mətbuat xidməti məlumat yayıb.
Səudiyyə Ərəbistanında keçiriləcək Formula 1 dünya çempionatının trası mövsümün təqvimində ən uzun ikinci tras olacaq. Onun uzunluğu 6 min 175 metr təşkil edəcək. Birinci pillədə Belçikadakı tras qərarlaşıb və onun uzunluğu 7 min 4 metrdir.
Ciddə trasında döngənin orta sürəti təxminən 250 kilometr saat olacaq. Tras 16 sol və 11 sağ olmaqla 27 döngədən ibarətdir. Səudiyyə Ərəbistanı Qran-Prisi azı on il keçiriləcək. Ciddədəki yarış dekabrın 5-də baş tutacaq.
Bölmənin digər xəbərləri
