SİÇOVULLARDAN İSTEHKAMÇILAR HAZIRLAYIRLAR
AZƏRTAC “Novosti” agentliyinə istinadla xəbər verir ki, Belçikanın Antverpen Universitetinin tədqiqatçıları siçovullara minaları axtarıb tapmağı öyrətmişlər. Belçikadakı minaların zərərsizləşdirilməsi üzrə ixtisaslaşmış “Apopo” şirkəti artıq Tanzaniyada xüsusi mərkəz açmışdır və burada siçovullara partlayıcı mexanizmləri axtarıb tapmağın öyrədilməsi metodikasından uğurla istifadə olunur.
Gəmiricini mina sahəsinə buraxmazdan əvvəl onların belinə kiçik qayış bağlayır və qayışa bərkidilmiş kəndirdən tutub onun hərəkətinə nəzarət edirlər. Siçovul minanı hiss edən kimi onun qoyulduğu yeri eşələməyə başlayır.
Ötən il istehkamçı-siçovulların köməyi ilə Tanzaniyaya qonşu Mozambikdə mina sahəsi zərərsizləşdirilmişdi.
Bölmənin digər xəbərləri
