Şimali Koreya lideri nüvə texnologiyalarının inkişafını ölkəsi üçün prioritet adlandırıb
Bakı, 27 sentyabr, AZƏRTAC
Şimali Koreya lideri Kim Çen In nüvə texnologiyalarının inkişafını təhlükəsizlik qarantı kimi partiya və dövlət üçün prioritet adlandırıb.
AZƏRTAC Koreya Mərkəzi Xəbər Agentliyinə istinadla xəbər verir ki, Kim Çen In bu fikri nüvə sənayesi sahəsində çalışan mütəxəssislərlə görüşü zamanı səsləndirib.
“Partiyamız və hökumət prioritet məsələ olaraq nüvə texnologiyaları sənayesini onun davamlı inkişafı üçün bütün imkan və şəraitlə təmin edəcək və onu dəstəkləyəcək”, – deyə Şimali Koreya lideri bildirib.
O, çıxışında həmçinin qeyd edib: “Dövlətimizin təhlükəsizliyini, suverenliyini, maraqlarını və inkişaf hüququnu etibarlı şəkildə təmin edəcək nüvə qalxanımızı və qılıncımızı daim möhkəmləndirməli və yeniləməliyik”.
Bölmənin digər xəbərləri
