Şimali Makedoniyanın Baş naziri: Aİ-yə üzvlük əsas məqsədimizdir
Skopye, 30 noyabr, AZƏRTAC
Şimali Makedoniyanın Avropa İttifaqına tamhüquqlu üzv olması əsas məqsədimizdir və bu, ölkədəki bütün siyasi aktorlardan asılıdır.
AZƏRTAC xəbər verir ki, bunu Şimali Makedoniyanın Baş naziri Dimitar Kovaçevski ATƏT-in 30-cu Nazirlər Toplantısı ərəfəsində Avropa İttifaqının xarici və təhlükəsizlik məsələləri üzrə ali nümayəndəsi Cozef Borel ilə keçirdiyi birgə mətbuat konfransında bildirib.
Aİ-yə üzv olmağı hədəflədiklərini və başqa alternativ variantlarının olmadığını vurğulayan D.Kovaçevski deyib: “Bu, heç bir bəhanə gətirmədən hamımızdan, yəni bu ölkədə məsuliyyət daşıyan bütün siyasi aktyorlardan asılıdır”.
Baş nazir Cozef Borel ilə görüşdə ölkəsinin Aİ-yə üzvlüyü yolunda həyata keçirdiyi islahatları və Avropaya inteqrasiya prosesinin müzakirə edildiyini bildirib.
Nihad Budaqov
AZƏRTAC-ın xüsusi müxbiri
Skopye
Bölmənin digər xəbərləri
