Şinzo Abe Rusiya ilə sülh müqaviləsi barədə danışıqları yeni səviyyəyə qaldırmaq istəyir
Tokio, 4 sentyabr, AZƏRTAC
Yaponiyanın Baş Naziri Şinzo Abe Rusiya Prezidenti Vladimir Putin ilə qarşıda gözlənilən görüşü zamanı sülh müqaviləsinin imzalanması barədə danışıqları yeni səviyyə qaldırmaq niyyətindədir.
AZƏRTAC Kyodo agentliyinə istinadla xəbər verir ki, Şinzo Abe bu barədə Şərq İqtisadi Forumunda iştirak etmək üçün Vladivostoka yola düşməzdən əvvəl bəyan edib. “Danışıqları yeni səviyyəyə qaldırmaq üçün Prezident Vladimir Putinlə açıq dialoq aparmaq niyyətindəyəm”, - deyə Baş Nazir jurnalistlərə bildirib. Yaponiya hökumətinin başçısı qeyd edib ki, 2016-cı ildə Rusiya Prezidenti ilə Naqatoda əldə olunan razılaşmalar həyata keçirilir. Ş.Abe Vladivostok görüşünün bu işə müsbət təsir göstərəcəyinə ümidvar olduğunu bildirib.
Baş Nazir, həmçinin qeyd edib ki, hazırda dörd şimal adasında birgə təsərrüfat fəaliyyəti ilə bağlı layihələrin reallaşdırılmasına fəal hazırlıq işləri aparılır.
Vüqar Ağayev
AZƏRTAC-ın xüsusi müxbiri
Tokio
Bölmənin digər xəbərləri
