Şirvanda bıçaqlanma hadisəsi törədən şəxs saxlanılıb
Şirvan, 10 iyul, Aydın Yavərzadə, AZƏRTAC
Şirvan şəhərində bıçaqlanma hadisəsi baş verib. Hadisəni törədən şəxs polis əməkdaşları tərəfindən saxlanılıb.
AZƏRTAC-ın bölgə müxbiri xəbər verir ki, səhər saatlarında qeydə alınan hadisə zamanı Şirvan sakini 19 yaşlı R.Nəzərov bıçaq xəsarətləri alıb, yaralı Şirvan Şəhər Mərkəzi Xəstəxanasına yerləşdirilərək təcili təxirə salınmaz tibbi yardım göstərilib və əməliyyata götürülüb.
Daxili İşlər Nazirliyi mətbuat xidmətinin Şirvan regional qrupundan verilən məlumata görə, hadisəni törədən 2007-ci il təvəllüdlü Elcan Göyüşov polis əməkdaşları tərəfindən saxlanılıb. Faktla bağlı araşdırmalar davam etdirilir.
Bölmənin digər xəbərləri
