ŞOTLANDİYADA NAPOLEONUN YARILMASININ NƏTİCƏLƏRİ TAPILMIŞDIR
Tomson, Roddik ənd Medkalf hərrac evinin tapdığı sənədi Napoleon 1821-ci il mayın 5-də öldükdən sonra onun cəsədinə baxan bir həkim yazmışdır. Əlyazma Şotlandiyanın cənubundakı kottecdə yaşayan britaniyalının hərrac evinə verdiyi əşyalar arasında olmuşdur.
Məlumdur ki, Napoleonun meyidinin yarılması əməliyyatında altı britaniyalı hərbi həkim iştirak etmişdir. Hərrac evinin nümayəndələri deyirlər ki, tapılan sənədin müəllifi meyidin yarılmasında iştirak etmiş həkimlərdən biridir. Sənəddə onun adı yoxdur, əlyazma imzalanmayıbdır. Bu, olduqca mühüm sənəddir və Napoleonun guya arsenlə zəhərləndiyi barədə uydurmalara son qoyacaqdır.
Əlyazma yaxın vaxtlarda hərraca çıxarılacaqdır.
Bölmənin digər xəbərləri
