Sumqayıt sakinlərinin 110 mindən çoxu ənənəvi tibbi müayinədən yararlanıb
Sumqayıt, 29 mart, Ətrabə Rzayeva, AZƏRTAC
Ölkəmizdə həyata keçirilən əhalinin tibbi müayinəsi çərçivəsində Sumqayıt şəhərinin səhiyyə müəssisələrində fevralın 12-dən martın 27-dək 112582 nəfər müayinə olunub.
Sumqayıt şəhər səhiyyə şöbəsindən AZƏRTAC-a bildirilib ki, aksiyanın mütəşəkkilliyini təmin etmək üçün lazımi tədbirlər görülüb. Belə ki, tibbi müayinələr zamanı sakinlər ilkin baxışdan keçirilir, sağlamlığa dair məlumatlar toplanır və xəstəliklərə səbəb olan risk amilləri aşkar olunanda tibbi müayinələr təyin edilir. Müayinələrin nəticəsi əsasında müalicə taktikası seçilir: pasiyentlər ambulator, zərurət yarandığı halda isə tibb müəssisələrində stasionar müalicəyə cəlb olunurlar.
Bölmənin digər xəbərləri
