Sun Cuanqcı: Çinlilərə görə Azərbaycan ən vacib ölkələrdən biridir
Bakı, 22 aprel, AZƏRTAC
Çin ilə Azərbaycan arasında münasibətlər iqtisadi və siyasi baxımdan inkişaf edib. Çinlilərə görə Azərbaycan ən vacib ölkələrdən biridir. Biz İpək yolunun daha da genişləndirilməsini istərdik.
AZƏRTAC xəbər verir ki, bunu Çin Sosial Elmlər Akademiyası Rusiya Şərqi Avropa və Mərkəzi Asiya Araşdırmaları İnstitutunun direktoru Sun Cuanqcı “Azərbaycan-Çin münasibətlərinin yenidən qiymətləndirilməsi: İrəliyə doğru yol” mövzusundakı konfransda çıxışı zamanı deyib.
O bildirib ki, iki ölkənin əlaqələri Ulu Öndər Heydər Əliyevin hakimiyyətdə olduğu dövrdən başlayaraq inkişaf edib: “Elə o dövrdən başlayaraq Prezident İlham Əliyevin rəhbərliyi dövründə dostluq əlaqələrimiz davamlı olaraq inkişaf edib. Ümidvaram ki, Azərbaycanla birgə araşdırma sahəsində işlərimiz daha da genişlənəcək”.
Bölmənin digər xəbərləri
