SÜRÜCÜ XƏSTƏXANAYA APARILARKƏN YOLDA ÖLMÜŞDÜR
Daxili İşlər Nazirliyinin mətbuat xidmətindən AZƏRTAC-a bildirmişlər ki, Sabunçu rayonunun Kürdəxanı qəsəbəsinin ərazisində Miramil Seyidov idarə etdiyi “Mercedes” markalı avtomaşını yol kənarında dayanmış Bakıxanov qəsəbəsinin sakini İlyas Vəliyevə məxsus “Mercedes” markalı avtomaşına vurmuşdur. M.Seyidov hadisə yerində ölmüşdür.
Səbail rayonunun ərazisində Cəbrayıl rayon sakini Nicat Fərəcov sürdüyü “VAZ-2106” markalı avtomaşınla şəhər sakinləri Ağalar Şahbazovu və Sona Axundovanı vurmuşdur. Xəsarət almış hər iki piyada xəstəxanaya yerləşdirilsə də, A.Şahbazovun həyatını xilas etmək mümkün olmamışdır.
Dəvəçidə isə Nizami Bağırovun idarə etdiyi “VAZ-2109” markalı və Dilarə Quliyevanın idarə etdiyi “KİA” markalı avtomaşınlar toqquşmuşdur. Xəsarət almış N.Bağırov xəstəxanaya aparılarkən yolda keçinmişdir.
Hadisələrlə bağlı cinayət işi açılmışdır, araşdırmalar aparılır.
Bölmənin digər xəbərləri
