Şuxrat Salamov: Özbəkistan Azərbaycanın vəkillik sahəsində təcrübəsindən istifadə etməkdə maraqlıdır
Bakı, 30 mart, AZƏRTAC
Son illər Azərbaycanda vəkillik institutu sürətlə inkişaf edir və bu sahədə böyük işlər görülür. Özbəkistan Azərbaycanın bu sahədəki təcrübəsindən istifadə etməkdə maraqlıdır.
AZƏRTAC xəbər verir ki, bunu martın 30-da Azərbaycan Respublikası Vəkillər Kollegiyasına üzvlüyə qəbulla bağlı növbəti ixtisas imtahanlarının yazılı test mərhələsinin gedişini izləyən Özbəkistandan olan beynəlxalq müşahidəçi, tarixçi Şuxrat Salamov jurnalistlərə müsahibəsində deyib.
Ş.Salamov bildirib: “Bu gün Azərbaycan vəkillərinin imtahanının gedişini izləyirik. Demək istərdim ki, imtahan tam şəffaf və aşkarlıq şəraitində keçir. Biz də Özbəkistanda belə imtahan keçirmək istərdik. Azərbaycan vəkilləri bu yaxınlarda Özbəkistana səfər edəcəklər. Azərbaycan Vəkillər Kollegiyasının bu sahədəki fəaliyyətini öz ölkəmizdə də görmək istərdik.
Bölmənin digər xəbərləri
