“Synergy Baku”nun velosipedçisi “Tour d’Azerbaidjan-2017”nin ikinci mərhələsinin qalibi olub
Bakı, 4 may, AZƏRTAC
“Tour d’Azerbaidjan-2017” beynəlxalq velosiped turunun ikinci mərhələsi başa çatıb.
AZƏRTAC xəbər verir ki, ikinci mərhələdə velosipedçilər Şıxovdan start götürərək 187 kilometr məsafə qət edərək İsmayıllıya çatıblar.
“Synergy Baku”nun velosipedçisi Kirill Pozdnyakov bütün rəqiblərini qabaqlayaraq ikinci mərhələnin qalibi olub.
Yarışda 18 ölkədən 22 komanda mübarizə aparır. Onlardan da 6-sı peşəkar kontinental, "Synergy Baku" da daxil olmaqla 16-sı kontinental kollektivdir.
İştirakçılar üçüncü mərhələdə Qəbələ-Şəki-Qəbələ (177 km), dördüncü mərhələdə Qəbələ-Ağsu-Pirqulu (164 km) və sonuncu mərhələdə Bakı-Abşeron-Bakı (158 km) marşrutu üzrə, ümumilikdə, 836 kilometr məsafə qət edəcəklər. Əvvəlki illərdən fərqli olaraq bu il turun 4-cü mərhələsinə Ağsu dolaylarının əlavə edilməsi yarışa olan marağı daha da artırıb.
Bölmənin digər xəbərləri
