Tacikistan, Özbəkistan, Rusiya Əfqanıstan sərhədi yaxınlığında birgə təlimlərə başlayıb
Bakı, 5 avqust, AZƏRTAC
Əfqanıstan sərhədi yaxınlığında yerləşən Harb-Maydon poliqonunda Tacikistan, Özbəkistan və Rusiya birgə təlimlərə başlayıb.
AZƏRTAC Rusiya KİV-inə istinadla xəbər verir ki, təlimlərdə hərbi təcrübənin yoxlanılması, qoşunların istifadəsinin optimal formalarının tətbiq olunması və hərbi əməliyyatların aparılmasına ümumi yanaşmanın işlənib hazırlanması planlaşdırılır.
Avqustun 5-dən 10-dək davam edəcək təlimlərə təxminən 2,5 min hərbi qulluqçu, 500-ə yaxın silah və texnika cəlb olunacaq.
Hərbi təlimlər Amerika qoşunlarının Əfqanıstandan çıxarılması ilə əlaqədar hökumət qüvvələri ilə “Taliban” hərəkatı arasında qarşıdurmanın kəskinləşməsi fonunda keçirilir. Son aylar ölkənin kənd rayonlarında xeyli əraziyə nəzarəti ələ keçirən taliblər iri şəhərlər uğrunda döyüşlərə başlayıb.
Bölmənin digər xəbərləri
