TAİLAND BAŞ NAZİRİNİN MÜAVİNİ BMT-NİN BAŞ KATİBİ VƏZİFƏSİNƏ NAMİZƏDDİR
109 dövlət Tailand Baş nazirinin müavini Surakiat Satiyentayın Birləşmiş Millətlər Təşkilatının baş katibi vəzifəsinə namizədliyini dəstəklədiyini təsdiqləmişdir. AZƏRTAC İTAR-TASS-a istinadla xəbər verir ki, bunu oktyabrın 6-da Banqkokda Tailandın Baş naziri Taksin Çinavat bildirmişdir. Lakin o etiraf etmişdir ki, Satiyentay BMT Təhlükəsizlik Şurasının üzvü olan dövlətlər tərəfindən hələlik kifayət qədər dəstəklənməmişdir. Ona görə də Banqkok bu istiqamətdə işi davam etdirir.
Xatırladaq ki, BMT-nin baş katibi Təhlükəsizlik Şurası üzvlərinin səs verməsi yolu ilə seçilir. Namizəd Təhlükəsizlik Şurasına daxil olan 15 dövlətdən azı 9-u tərəfindən dəstəklənəcəyinə zəmanət almalıdır, bir şərtlə ki, onun beş daimi üzvündən heç biri öz veto hüququndan istifadə etməsin.
BMT baş katibinin seçkiləri gələn il keçiriləcəkdir.
Bölmənin digər xəbərləri
