Tarix elmləri doktoru İnanc Atılqan “Ermənistan-Azərbaycan Sülh Platforması”na qoşulub
Bakı, 2 mart, AZƏRTAC
Tarix elmləri doktoru İnanc Atılqan “Ermənistan-Azərbaycan Sülh Platforması”na qoşulub.
Bu barədə AZƏRTAC-a “Ermənistan Azərbaycan Sülh Platforması”nın mətbuat xidmətindən məlumat veriblər. İnanc Atılqan bununla bağlı verdiyi bəyanatda Ermənistan-Azərbaycan, Dağlıq Qarabağ münaqişəsinin sülh yolu ilə həllinin vacib olduğunu, həmçinin hər iki dövlətin ərazi bütövlüyünə və suverenliyinə, beynəlxalq səviyyədə tanınmış sərhədlərinə hörmət bəslədiyini söyləyib. O, BMT Təhlükəsizlik Şurasının qəbul etdiyi müvafiq qətnamələrin, habelə digər beynəlxalq təşkilatların qətnamə və qərarlarının icrasının vacibliyini və ATƏT Minsk qrupunun münaqişənin sülh yolu ilə həlli istiqamətində fəaliyyətini dəstəklədiyini bildirib.
“Xalqların sülh şəraitində birgə yaşayışını və uzun müddət davam edən münaqişənin həllini dəstəkləyərək, əsas məqsədi Ermənistan-Azərbaycan, Dağlıq Qarabağ münaqişəsinin həllinə töhfə vermək olan “Ermənistan-Azərbaycan Sülh Platforması”na qoşulduğumu bəyan edirəm”,- deyə İnanc Atılqan vurğulayıb.
Bölmənin digər xəbərləri
