TAXTAKÖRPÜ SU ANBARININ TİKİNTİSİ DAVAM ETDİRİLİR
Dəvəçidə Taxtakörpü su anbarının tikintisi davam etdirilir.
AZƏRTAC xəbər verir ki, təməli 2007-ci ilin oktyabrında ölkə başçısının iştirakı ilə qoyulmuş obyektin 2010-cu ildə istifadəyə verilməsi planlaşdırılır. Tutumu 268,4 milyon kubmetr olan su anbarı “Samur-Abşeron suvarma sisteminin yenidən qurulması” layihəsi çərçivəsində tikilir. Anbar Bakı, Sumqayıt şəhərləri və Abşeron yarımadası əhalisinin suya tələbatının ödənilməsini yaxşılaşdırmaqla yanaşı, şimal zonasında 30 min hektar əkin sahəsini suvarmağa imkan verəcəkdir.
Kompleksə daxil olan bəndin uzunluğu 1.180, hündürlüyü isə 142,5 metrdir. Bu, ölkədə ən uzun bənd olacaqdır. Tikintiyə 400-ə yaxın texnika, 1.500 işçi cəlb edilmişdir. İndiyə qədər 140 milyon manatlıq iş görülmüşdür.
Bölmənin digər xəbərləri
