TBİLİSİDƏ BEYNƏLXALQ TURİZM SƏRGİSİNDƏ
Gürcüstan Kurortlar və Turizm Departamentinin rəhbəri Vaja Şubladzenin dəvəti ilə Azərbaycanın gənclər, idman və turizm naziri Əbülfəz Qarayev və Turizm üzrə baş idarənin rəisi Namiq Məmmədov Gürcüstan paytaxtında keçiriləcək 4-cü beynəlxalq turizm və kurortologiya sərgisində və “İpək yolu” konfransında iştirak edəcəklər. Nazirliyin mətbuat xidmətindən bildirmişlər ki, sərgi və konfrans Gürcüstan Prezidenti Eduard Şevardnadzenin təşəbbüsü və Dünya Turizm Təşkilatının \DTT\ dəstəyi ilə təşkil olunmuşdur. Səfər zamanı DTT-nin regional şöbəsinin rəhbəri Luici Kabriani, Gürcüstan Milli turizm idarəsinin rəhbərləri ilə danışıqlar aparılacaq və turizm sahəsində regional əməkdaşlığın inkişafı məsələləri müzakirə ediləcəkdir.
Bölmənin digər xəbərləri
