TORPAQLARIN ÇİRKLƏNMƏSİNİN SƏVİYYƏSİNİN ÖYRƏNİLMƏSİNƏ DAİR MONİTORİNQ KEÇİRİLMİŞDİR
Ekologiya və Təbii Sərvətlər Nazirliyinin Ətraf Mühit üzrə Milli Monitorinq Departamentinin əməkdaşları ölkə ərazisində torpaqların fon tərkibinin pestisidlərlə, ağır metallarla və neft məhsulları ilə çirklənməsinin öyrənilməsi üçün monitorinq keçirmişdir.
Nazirliyin mətbuat xidmətindən AZƏRTAC-a bildirmişlər ki, “Bibi-Heybətneft”, “Suraxanıneft”, “Binəqədineft” və Əli Əmirov adına neft və qaz çıxarma idarələrinin (NQÇİ) və Sabunçu qəsəbəsinin ərazisində neft məhsullarının miqdarının normadan artıq olduğu aşkarlanmışdır.
Ağsu, Beyləqan, Ağcabədi rayonlarının ərazilərində kənd təsərrüfatı torpaqlarında hidrogen göstəricisi və çirkləndirici qarışıqların miqdarı norma daxilində olmuşdur.
Bakı, Sumqayıt şəhərlərinin və ətraf torpaqların texnogen çirklənməsinin tədqiqi məqsədi ilə sənaye zonalarında və zavodların ərazilərində monitorinq davam etdirilir.
Bölmənin digər xəbərləri
