TOVUZ RABİTƏÇİLƏRİ ALTI AYI UĞURLA BAŞA VURMUŞLAR
Tovuz Rayon Telekomunikasiya Qovşağından AZƏRTAC-ın müxbirinə bildirmişlər ki, kollektiv cari ilin altı ayını uğurla başa vurmuşdur. Rabitəçilər yarımillikdə 205 min manat tarif gəliri əvəzinə 209 min 443 manat xidmət göstərərək proqnoza 102,2 faiz əməl etmişlər. Bundan başqa əhalidən gələn gəlir proqnozu 134,4 faiz, telefon çəkilişi proqnozu isə 100,8 faiz yerinə yetirilmişdir.
Altı ayda rayonun Aşağı Ayıblı kəndində 1.296 nömrəlik elektron tipli yeni avtomat telefon stansiyası qurularaq əhalinin istifadəsinə verilmiş, bir sıra kənd avtomat telefon stansiyalarında genişləndirmə işləri aparılmışdır.
Bölmənin digər xəbərləri
