Tovuzda 18 nəfərin zəhərlənməsinin səbəbinin müəyyənləşdirilməsi üçün ekspertizalar təyin edilib
Bakı, 16 oktyabr, AZƏRTAC
Oktyabrın 15-də 18 nəfərin Tovuz rayonunda fəaliyyət göstərən iaşə obyektindən alıb qəbul etdikləri dönərdən zəhərlənmələri şübhəsilə Tovuz Rayon Mərkəzi Xəstəxanasına müraciət etmələri faktı ilə bağlı rayon prokurorluğunda araşdırma aparılır.
Baş Prokurorluğun mətbuat xidmətindən AZƏRTAC-a daxil olmuş sorğuya cavab olaraq bildirilib ki, zəhərlənmənin səbəbinin müəyyənləşdirilməsi məqsədilə prokurorluq əməkdaşları tərəfindən Azərbaycan Respublikasının Qida Təhlükəsizliyi Agentliyi əməkdaşlarının iştirakı ilə həmin iaşə obyektindəki qidalardan nümunələr götürülərək müvafiq ekspertizalar təyin edilib və digər zəruri prosessual hərəkətlər icra olunub.
Bölmənin digər xəbərləri
