TQDK-DA 20 YANVAR FACİƏSİ QURBANLARININ ANIM MƏRASİMİ KEÇİRİLMİŞDİR
Bakı, 19 yanvar (AZƏRTAC). Tələbə Qəbulu üzrə Dövlət Komissiyasında (TQDK) 20 Yanvar faciəsinin 20-ci ildönümünə həsr olunmuş anım mərasimi keçirilmişdir.
Mərasimdə Vətənimizin müstəqilliyi, ərazi bütövlüyü uğrunda canından keçmiş şəhidlərimizin xatirəsi bir dəqiqəlik sükutla yad edilmişdir.
TQDK-nın sədr müavini Namiq Babayev çıxış edərək, 20 yanvar hadisəsinin səbəbləri, həmin dövrdə sovet imperiyasına rəhbərlik edən şəxslərin Azərbaycana qarşı məkrli siyasəti, xalqımızın düçar olduğu faciənin ağır nəticələri barədə məlumat vermişdir. N.Babayev bu günün Azərbaycan tarixində ölkəmizin azadlığı, müstəqilliyi və ərazi bütövlüyü uğrunda mübarizədə qəhrəmanlıq rəmzi olaraq mühüm əhəmiyyətini vurğulamışdır. Bu dəhşətli faciənin xalqımızın yaddaşından heç zaman silinməyəcəyini qeyd etmişdir.
Digər çıxış edənlər də 20 Yanvarın xalqımızın tarixinin həm faciəli, həm də şərəfli səhifəsi olduğunu bildirmiş və bu tarixin hər bir azərbaycanlı üçün qürur mənbəyi olduğunu qeyd etmişlər.
Bölmənin digər xəbərləri
