“TURANBANK” 30 GÜNLÜK FAİZSİZ KREDİT KARTLARINI TƏQDİM ETMİŞDİR
Bakı, 5 mart (AZƏRTAC). “TuranBank” kredit xətti üzrə 30 günlük faizsiz MasterCard plastik kart məhsullarını təqdim etmişdir.
Yeni kampaniya çərçivəsində verilən kredit kartlarının əsas üstünlüyü odur ki, istifadə olunan məbləğə ilk 30 gün ərzində faiz hesablanmır. 31-ci gündən 120-ci günədək illik 20 faiz, 121-ci gündən başlayaraq illik 26 faizlə hesablanır. Kredit kartı üzrə istifadə olunan məbləğ 1 ay ərzində geri qaytarılarsa, ona faiz hesablanmır.
