Türk professor: 15 İyul Türkiyənin gələcəyini müəyyənləşdirən dönüş nöqtəsi oldu
Bakı, 15 iyul, AZƏRTAC
15 İyul Türkiyə üçün son dərəcə mühüm tarixdir. Həmin gün Türkiyə xalqı təkcə dövlət çevrilişinə cəhdin qarşısını almayıb, eyni zamanda ölkənin gələcəyini yenidən müəyyənləşdirib.
Bu fikirləri AZƏRTAC-a müsahibəsində Ankara Hacı Bayram Vəli Universitetinin professoru Zakir Avşar 15 İyul – Demokratiya və Milli Birlik Gününün 10-cu ildönümü münasibətilə keçirilən anım tədbirində bildirib.
Professor qeyd edib ki, 15 İyul hadisələrindən sonra Türkiyə bütün maneələrdən qurtularaq öz siyasi iradəsi və strateji hədəfləri əsasında hərəkət edə bilən azadlıq məkanını formalaşdırıb. O vurğulayıb ki, buna xalqın iradəsi və güclü siyasi liderlik sayəsində nail olunub.
Zakir Avşar Azərbaycanın 15 İyul hadisələri zamanı Türkiyəyə göstərdiyi dəstəyin xüsusi əhəmiyyət daşıdığını diqqətə çatdırıb. O, Azərbaycan xalqının və Prezident İlham Əliyevin Türkiyənin yanında olmasının onlar üçün çox vacib olduğunu bildirib.
Professor, həmçinin 15 İyul – Demokratiya və Milli Birlik Gününün 10-cu ildönümü münasibətilə Azərbaycanda anım tədbirinin təşkilinə görə Azərbaycan dövlətinə, Türkiyənin Azərbaycandakı səfirliyinə və tədbirin keçirilməsində əməyi olan hər kəsə təşəkkürünü ifadə edib.
Müxbir: Şəlalə Camal
Bölmənin digər xəbərləri
