TÜRKİYƏ SƏRMAYƏDARLARI JİRİNOVSKİ VƏ ŞİLOVANI ARZUOLUNMAZ ŞƏXSLƏR ELAN ETMƏK İSTƏYİRLƏR
Assosiasiyanın mətbuat üçün məlumatına görə, Şilovanın nəşrə hazırlanan “Türk məhəbbəti, yaxud Şərqin hərarətli gecələri” kitabı Türkiyə ictimaiyyətinin hiddətinə səbəb olmuşdur. Təşkilatın fikrincə, Şilova “quş qripi epidemiyası kimi dünya ictimaiyyəti üçün ağrılı mövzudan sui-istifadə edir” və “bilərəkdən Antalya kurortunu yoluxucu xəstəliklər, çirkab, əxlaqsızlıq və cinayətkarlıq yuvası kimi qələmə verir”.
Bu cızmaqarada Türkiyə “yoxsullar üçün turizm cənnəti” adlandırılır və Antalya ikinci dərəcəli kurort kimi təqdim olunur. Assosiasiya bu qənaətdədir ki, Şilova guya rusiyalı qızların və gənc qadınların Türkiyədə olmasının təhlükəliliyi, onları etinasızcasına “nataşalar” adlandıran yerli sakinlər tərəfindən zorakılığa məruz qaldığı barədə cəfəngiyat uydurur. Bununla əlaqədar Assosiasiya xatırladır ki, 2003-cü ildə Türkiyə Baş Təhlükəsizlik İdarəsi keçmiş SSRİ-dən gələn qızların “nataşalar” adlandırılmasını rəsmən qadağan etmişdir.
Jirinovskiyə gəldikdə isə, Türkiyə XİN-ə müraciətin müəlliflərinin fikrincə, “bu fitnəkarlığın” təşəbbüsçülərindən biri də məhz odur. Təşkilat xatırladır ki, deputat öz açıq çıxışlarında Türkiyənin ünvanına dəfələrlə hədyanlar söyləmişdir. Güman edirlər ki, bu, 1969-cu ildə Jirinovskinin başına gələn hadisə ilə bağlıdır. O vaxt Jirinovski İsgəndərunda tələbə kimi təcrübə keçərkən Türkiyə hökuməti əleyhinə təbliğat apardığına görə həbs edilmiş və ölkədən qovulmuşdur.
Bölmənin digər xəbərləri
