TÜRKİYƏ VƏ YUNANISTANIN HƏRBİ BAZALARI ARASINDA “QAYNAR XƏTT” İYULUN 1-DƏN İŞLƏYƏCƏK

10.06.2006 [19:27]
Çap et
A⁺ A^-

AZƏRTAC İTAR-TASS-a istinadla xəbər verir ki, Türkiyə və Yunanıstanın hərbi bazaları arasında telefon “qaynar xətt”i iyulun 1-dən işləməyə başlayacaqdır. Bunu iyunun 10-da İstanbulda Türkiyə XİN-in başçısı Abdullah Gül yunan həmkarı Dora Bakoyanni ilə görüşdən sonra bəyan etmişdir.

“Qaynar xətt” Türkiyə və Yunanıstan hərbi hava qüvvələrinin Eskişehir və Larissadakı bazaları arasında yaradılmışdır. Bundan məqsəd Ege dənizi səmasında münaqişələri nizama salmaq və onların qarşısını almaqdır. Belə ki, burada iki ölkənin hərbi təyyarələri onların sərhədlərini mütəmadi olaraq keçir.

Telefon xəttinin açılması Ege dənizi zonasında gərginliyi zəiflətmək üçün Türkiyə və Yunanıstanın 2005-ci ilin aprelindən həyata keçirdikləri tədbirlərin bir hissəsidir.

Bundan əlavə, XİN başçıları “məsləhətləşmələr üçün iki ölkənin hərbi dəniz qüvvələri komandanlığı nümayəndələrinin qarşılıqlı səfərləri və gələcəkdə Ege dənizində birgə hərbi manevrlər keçirilməsi barədə” də razılıq əldə etmişlər.

TÜRKİYƏ VƏ YUNANISTANIN HƏRBİ BAZALARI ARASINDA “QAYNAR XƏTT” İYULUN 1-DƏN İŞLƏYƏCƏK

MÜƏLLİFLƏ ƏLAQƏ

Bölmənin digər xəbərləri