Türkiyədə koronavirusa yoluxanların sayı 180 minə yaxınlaşır
Ankara, 15 iyun, AZƏRTAC
İyunun 14-də Türkiyədə, ümumilikdə, 45 min 176 nəfər COVID-19 testindən keçirilib. Onlardan 1562 nəfərdə virus aşkarlanıb. Yoluxma sayında dünənki günlə müqayisədə artım var.
AZƏRTAC Türkiyənin Səhiyyə Nazirliyinə istinadla xəbər verir ki, gün ərzində 1330 nəfər sağalıb, 15 nəfər həyatını itirib.
Bu vaxtadək 2 milyon 632 min 171 nəfər koronavirus testindən keçirilib. Onlardan 178 min 239 nəfərdə virus aşkar olunub. Hazırda 717 nəfər reanimasiyada, 290 xəstə süni nəfəs aparatına qoşulmuş haldadır. İndiyədək bu virusdan 4 min 807 xəstə vəfat edib, 151 min 417 xəstə sağalıb.
Bölmənin digər xəbərləri
