Türkiyəli aktyor Reinteqrasiya Mərkəzinin qonağı olub
Bakı, 21 fevral, AZƏRTAC
Türkiyənin tanınmış aktyoru, şair və yazıçı Ahmet Yenilmez Azərbaycan Uşaqları İctimai Birliyinin nəzdində fəaliyyət göstərən Uşaq Sığınacağı- Reinteqrasiya Mərkəzinin qonağı olub.
Mərkəzin mətbuat xidmətindən AZƏRTAC-a bildiriblər ki, təşkilatın sədri Kəmalə Ağazadə sığınacaq barədə qonağa ətraflı məlumat verib. Uşaqlarla həmsöhbət olan A.Yenilmez bu görüşdən məmnun qaldığını bildirib və qeyd edib ki, uşaqların gözlərindəki sevgi onda xoş duyğular yaradıb.
Sonda aktyora uşaqlar tərəfindən hazırlanmış və Azərbaycan-Türkiyə qardaşlığının rəmzi olan əl işi hədiyyə edilib.
Bölmənin digər xəbərləri
