Türkiyəli jurnalistlər Xocalı soyqırımı qurbanlarının anma tədbirləri ilə əlaqədar Azərbaycana gəlmişlər
Bakı, 25 fevral (AZƏRTAC). Azərbaycan Mətbuat Şurasının (MŞ) və Türk Əməkdaşlıq və İnkişaf Agentliyinin (TİKA) həyata keçirdiyi proqram çərçivəsində türkiyəli jurnalistlər Xocalı soyqırımı qurbanlarının anma tədbirləri ilə əlaqədar Azərbaycana gəlmişlər.
MŞ-dən AZƏRTAC-a bildirmişlər ki, qonaqlar Quba rayonundakı tarixi kütləvi məzarlığı ziyarət etmişlər. Fevralın 26-da türkiyəli jurnalistlər Xocalı faciəsi ilə bağlı ucaldılmış abidəni ziyarət edəcək, Mətbuat Şurasında Xocalı faciəsinə həsr olunacaq “dəyirmi masa”da iştirak edəcəklər. Media təmsilçilərinin fevralın 27-də Xocalıdan olan qaçqınlarla görüşü də nəzərdə tutulmuşdur.
Türkiyədən gələn nümayəndə heyətinə TRT-nin ərəb bölməsinin müdiri Faysal Ata, FOX TV-nin xəbər müdiri Ercan Gün, “Bu gun” qəzetinin xarici xəbərlər şöbəsinin müdiri Əmrah Kamil Ülkər, “Kanaltürk” telekanalının xəbər müdiri Ərkan Akkus, “Todays Zaman” qəzetinin baş redaktorunun müavini Cəlil Sağır, “Samanyoluxəbər”in baş redaktoru Enes Engin Sağ, “Zaman” qəzetinin baş redaktorunun müavini Veysəl Ayxan, qəzet yazarı Məhməd Gündəm, Media PR-ı Agentliyinin əlaqələndiricisi Xəlil Soylu daxildir.
Bölmənin digər xəbərləri
