Türkiyənin Baş Konsulluğu ilə Azərbaycan Mədəniyyət Assosiasiyası birgə tədbirlər keçirəcəklər
Nant, 1 noyabr, AZƏRTAC
Fransanın Nant şəhərində yerləşən Türkiyənin Baş Konsulluğu ilə Azərbaycan Mədəniyyət Assosiasiyası (AMA) birgə tədbirlər keçirəcəklər.
AZƏRTAC xəbər verir ki, bu barədə razılıq Türkiyənin yeni təyin olunmuş baş konsulu Asli Oral ilə AMA-nın rəhbəri Toğrul Zeynalov arasında keçirilən görüşdə əldə edilib.
Tərəflər Baş Konsulluq və AMA arasında qarşılıqlı əməkdaşlığı müzakirə ediblər. Eyni zamanda, ölkələrimizin Fransada yerləşən təşkilatlarını bir araya gətirmək və birgə koordinasiyanı təmin etmək barədə fikir mübadiləsi aparılıb.
Şəhla Ağalarova
AZƏRTAC-ın xüsusi müxbiri
Nant
Bölmənin digər xəbərləri
