TÜRKİYƏNİN BAŞ NAZİRİ GÜRCÜSTAN PREZİDENTİ İLƏ GÖRÜŞMÜŞDÜR
Avqustun 14-də Tbilisiyə gəlmiş Türkiyənin Baş naziri Rəcəb Tayyib Ərdoğan Gürcüstan Prezidenti Mixeil Saakaşvili ilə görüşmüşdür.
Qapalı keçən görüşdən sonra M.Saakaşvili mətbuat konfransında demişdir ki, biz ilhaq olunmuş ərazilər azad edilənə və sülhə nail olunanadək intensiv dialoqu davam etdirəcəyik.
Humanitar yardıma görə Türkiyə rəhbərliyinə təşəkkür edən M.Saakaşvili regionun təhlükəsizliyi üçün Gürcüstanın mühüm tərəfdaşı olan Türkiyə ilə əməkdaşlığın davam etdiriləyəcəyini vurğulamışdır.
Gürcüstana səfərinin bu ölkəyə siyasi dəstək olduğunu vurğulayan Rəcəb Tayyib Ərdoğan baş verən hadisələrdən təəssüfləndiyini bildirmiş və demişdir ki, Gürcüstanın müstəqilliyini pozmağa heç kəsin haqqı yoxdur.
Baş nazir Türkiyənin humanitar yardımı davam etdirəcəyini vurğulamış, bölgədə sabitliyin təminatı, Bakı-Tbilisi-Ceyhan, Bakı-Supsa neft kəmərlərinin təhlükəsizliyi üçün planlaşdırılan tədbirlərdən danışmışdır.
Bölmənin digər xəbərləri
