TÜRKMƏNİSTAN İRANLA 9,15 MİLYON DOLLARLIQ MÜQAVİLƏ İMZALAYACAQDIR
AZƏRTAC-ın xüsusi müxbiri xəbər verir ki, bu ilin aprel ayında İranın “Pars Enerji” şirkəti Türkmənistanın Xəzər sahillərindəki Kiyanlı limanında sıxılmış qaz ehtiyatı parkının tikintisinə başlayacaqdır. Bununla bağlı Türkmənistan Prezidenti Saparmurad Niyazovun Fərmanı ilə “Türkmənneftqaz” Dövlət Ticarət Şirkətinə həvalə edilib ki, İran tərəfi ilə 9,15 milyon dollar dəyərində müqavilə imzalasın. Tikintinin 2005-ci ilin avqustunda başa çatdırılması nəzərdə tutulur.
Xatırladırıq ki, ötən il Türkmənistanda 292 min ton sıxılmış qaz istehsal olunmuşdur. Bunun yarıdan çoxu İran, Yaponiya, Əfqanıstan və başqa ölkələrə ixrac edilmişdir.
Bölmənin digər xəbərləri
