TÜRKMƏNİSTAN MƏRKƏZİ BANKI SƏKKİZGUŞƏLİ QIZIL VƏ GÜMÜŞ PULLAR BURAXMIŞDIR

22.10.2004 [20:10]
Çap et
A⁺ A^-

AZƏRTAC-ın İTAR-TASS agentliyindən aldığı xəbərə görə, Türkmənistan Mərkəzi Bankı, ilk dəfə olaraq, səkkizguşəli yubiley qızıl və gümüş pullar buraxmışdır. Pulların üz tərəfində Prezident Saparmurad Niyazovun əksi, arxa üzündə isə Aşqabad yaxınlığındakı Anau arxeoloji abidəsi və abidədən Günəş şüalarıtək saçılan buğda sünbülləri təsvir edilmişdir. Pullar Anauda qədim əkinçilik mədəniyyətini aşkara çıxarmış amerikalı alim Rafael Pampellinin arxeoloji ekspedisiyasının 100 illiyinə həsr olunmuşdur.

Səkkizguşəli pullar forması ötən il Xalq Məclisinin qərarı ilə dəyişdirilmiş Türkmənistan gerbinə bənzəyir. Türkmən xalqının əcdadları Oğuz xanın və böyük səlcuqların da gerbləri səkkizguşəli idi. Ölkənin dövlət idarələrinin möhürləri də səkkizguşəlidir.

500 manatlıq gümüş pullar 925 əyarlı gümüşdən, 1000 manatlıq qızıl pullar isə 961 əyarlı qızıldan hazırlanmışdır. Gümüş pulun dəyəri 10 ABŞ dollarından çox, qızıl pulun dəyəri isə təqribən 100 ABŞ dollarıdır.

TÜRKMƏNİSTAN MƏRKƏZİ BANKI SƏKKİZGUŞƏLİ QIZIL VƏ GÜMÜŞ PULLAR BURAXMIŞDIR

MÜƏLLİFLƏ ƏLAQƏ

Bölmənin digər xəbərləri