TÜRKMƏNİSTAN VƏTƏNDAŞLARI İLƏ EVLƏNMƏK İSTƏYƏN ƏCNƏBİLƏR SIĞORTA PULU ÖDƏMƏLİDİRLƏR
Türkmənistan vətəndaşları ilə evlənmək istəyən əcnəbilər 50 min dollar məbləğində sığorta pulu ödəməlidirlər. Türkmənistan parlamentinin - Məclisin deputatları nigah və ailə haqqında məcəllənin maddələrinə bu əlavəni yekdilliklə qəbul etmişlər.
Qanunda deyilir: “Nigahın pozulacağı təqdirdə yetkinlik yaşına çatmamış uşaqların təminatı üçün Türkmənistan Dövlət Sığorta Təşkilatının hesabına 50 min dollardan az olmayaraq sığorta pulu ödənməlidir”. Bundan əlavə, ailə qurmaq istəyən əcnəbi bir ildən az olmayaraq Türkmənistanda yaşamalı və şəxsi evi olmalıdır.
İTAR-TASS xəbər verir ki, əcnəbilərlə nigah bağlamaq istəyənlər üçün yaş həddi 18 yaşınadək artırılmışdır. Mövcud qaydaya görə, türkmənlər 16 yaşından evlənə və ərə gedə bilərlər.
Bölmənin digər xəbərləri
