TÜRKMƏNİSTANDA 40-A YAXIN KEÇMİŞ MƏMUR “MƏCBURİ ƏMƏK” İSLAH İŞLƏRİNƏ CƏLB OLUNMUŞDUR
Ümumiyyətlə, keçmiş müdafiə naziri Qurbandurdu Berencev, baş nazirin müavini Xudaykul Xalıkov, Marı vilayətinin icra başçısı Amangəldi Atayev və 40-a yaxın digər yüksək vəzifəli sabiq məmurlar ölkənin ucqar rayonlarında taxıl və ya pambıq əkib becərirlər. Onlar həbs müddətində buradan başqa yerə gedə bilməzlər.
Türkmənistanın sənaye və energetika nazirinin keçmiş müavinləri Tore Axunov və Abdıraxman Berkeliyev Marı vilayətində taxıl və pambığı özləri yox, muzdla tutduqları adamlara əkib-becərtmişlər. Bundan xəbər tutan respublika prokurorluğu onları “həqiqi” həbsxanaya göndərmişdir.
Türkmənistan prezidenti S.Niyazov “həbs” əvəzinə “məcburi əmək” qərarını qəbul edərkən Türkmənistan televiziyası ilə çıxışında demişdir: Onlar azadlıqdan məhrum edilmədən öz əməkləri ilə günahlarını yuya bilərlər.
Bölmənin digər xəbərləri
