UCAR FERMERLƏRİ PAYIZLIQ TAXIL ƏKİNİ SAHƏLƏRİNİ ARTIRMIŞLAR
Ölkəmizin ərzaq təhlükəsizliyində fəal iştirak etməyə çalışan Ucar taxılçıları gələn il yüksək məhsul istehsal etmək əzmindədirlər. Bu məqsədlə payızlıq taxıl əkini sahələri genişləndirilmişdir.
Ucar Rayon İcra Hakimyyəti başçısının aqrar məsələlər üzrə müavini, kənd təsərrüfatı elmləri namizədi Nurməmməd Tağıyev AZƏRTAC-a demişdir ki, əlverişsiz keçən hava şəraitinin törətdiyi çətinliklərə baxmayaraq, 10 min 602 hektar sahədə payızlıq taxıl səpinini müvəffəqiyyətlə başa çatdırılmışdır. Bu payızda ötən ilin müvafiq dövrü ilə müqayisədə əkin sahələri 295 hektar artırılmışdır. Rayonun daha çox taxıl əkilən Qazıqumlaq, Məlikballı, Qazyan, Alpout, Yuxarı Şilyan və digər kəndlərində əkin kampaniyası daha mütəşəkkil aparılmışdır.
Rayonda 4 özəl toxumçuluq təsərrüfatı fəaliyyət göstərir. Onlara Rusiyadan gətirilmiş 30 tondan artıq yüksək keyfiyyətli, məhsuldar toxum 50 faiz güzəştlə verilmişdir. Bu təsərrüfatlarda səpin optimal müddətdə və yüksək aqrotexniki qaydalar əsasında aparıldığından bütün sahələrdə normal çıxış alınmışdır. İstehsal ediləcək toxumun hamısı gələn il taxıl istehsalçılarına satılacaqdır.
Bölmənin digər xəbərləri
