UEFA İCRAİYYƏ KOMİTƏSİNİN YENİ HEYƏTİ SEÇİLMİŞDİR
AZƏRTAC UEFA-nın rəsmi saytına istinadla xəbər verir ki, Avropa Futbol İttifaqının Düsseldorfda növbəti, XXXI konqresində qurumun İcraiyyə Komitəsinə seçkilər keçirilmişdir.
Beləliklə, 2007-2011-ci illərdə UEFA İcraiyyə Komitəsinə Anxel Mariya Vilyar Lyona (İspaniya), Seneş Erzik (Türkiyə), Mirça Sandu (Rumıniya), Cozef Mifsud (Malta), Jilbertu Parka Madail (Portuqaliya) və Qriqori Surkis (Ukrayna) ilk dəfə və ya təkrar seçilmişlər.
Yeri gəlmişkən, FİFA İcraiyyə Komitəsinin də 4 avropalı üzvünün səlahiyyət müddəti tezliklə başa çatır. UEFA prezidenti seçkilərində qalib gələn Mişel Platini avtomatik olaraq FİFA İcraiyyə Komitəsinin vitse-prezidenti olmuşdur. Daha bir vitse-prezident vəzifəsi Britaniya assosiasiyasının müstəqil namizədi üçün nəzərdə tutulmuşdur. Üçüncü vitse-prezident Anxel Mariya Vilyar Lyona ikinci müddətə seçilmişdir.
Konqresdə FİFA İcraiyyə Komitəsinin dördüncü avropalı nümayəndəsi Frants Bekenbauer (Almaniya) seçilmişdir.
Bölmənin digər xəbərləri
