UEFA klublar üçün 240 milyon avro vəsait ayıracaq
Bakı, 8 aprel, AZƏRTAC
UEFA klublara futbolçularının “Avro-2024” və digər yarışlarda iştirakı üçün 240 milyon avro vəsait ayıracaq.
AZƏRTAC xəbər verir ki, bu barədə qurumun saytı məlumat yayıb.
Bildirilib ki, UEFA bu məbləği oyunçuların Avropa çempionatının seçmə və final mərhələsində, həmçinin Millətlər Liqasının növbəti iki ildə çıxışı üçün klublar arasında bölüşdürəcək.
2020/2021-ci və 2022/2023-cü il Millətlər Liqası, həmçinin “Avro-2024”ün seçmə mərhələsində futbolçuların iştirakı üçün klublara 100 milyon avro ödəniləcək.
Futbolçuların “Avro-2024”ün final turnirində iştirakının məbləği isə 130 milyon avrodan 140 milyon avroya qaldırılacaq.
Qeyd edək ki, “Avro-2020”dən sonra UEFA 55 üzv assosiasiyanın 697 klubuna 200 milyon avro ödəyib.
Bölmənin digər xəbərləri
